रौतहट २२ मंसिर /गएको मंसिर ७ गते राति भएको आगलागीको घटनामा घाइते भएका एक बालकाको मृत्यू भएको छ ।
भीषण आगलागी मा ३ जना बालबालिका को त्यसैदिन मृत्यु भएको थियो भने सोही घटना मा जलेर घाइते भएका १० बर्षिय बालक अरमान मन्सुर को उपचारको क्रममा बिहिवार मृत्यु भएको छ ।
गौरस्थित माईस्थान चोकमा रहेको इस्लाम कपडा तथा डसना पसलमा आगलागी भएको थियो ।
गौर नगरपालिका–१ मा रहेको कपडा पलसमा आगलागी हुदा इस्लाम मियाँका ५ वर्षीया छोरी सबिना खातुन, ९ वर्षीया छोरी रुक्साना खातुन र ७ वर्षीय छोरा इमरान मन्सुरीको मृत्यु भएको थियो ।
आर्थिक अवस्था अत्यन्त नाजुक रहेकाले खान,बस्ननै समस्या भएकाले सहयोगको लागि पिडित परिवारले आग्रह गरेका छन ।
