बारा ,४ पुष //
बारामा मोटरसाइकल दुर्घटनामा परेर दुई जनाको मृत्यु भएको छ, भने अर्का एक घाइते भएका छन् । मृत्यु हुनेमा रौतहटको गुजरा नगरपालिका वडा नम्बर ३ सिम्रिका २६ वर्षीय भुवन पहारी र २७ वर्षीय रितबहादुर राई रहेका छन् ।
मर्मत गर्नका निमित्त सडक छेउमा पार्क गरेर राखिएको ट्रकमा मोटरसाइकल ठोक्किँदा भएको दुर्घटनामा सोही स्थानका २४ वर्षीय सुशील माझी घाइते भएका हुन् ।
आइतबार साँझ करवी ७ बजेको करिवमा पूर्वपक्षिम लोकमार्गको भमरा र धन्सार पुलबीचको जङ्गलमा पर्ने सिम्री जाने सडकभन्दा करिब २ सय मिटर पर दुर्घटना भएको जिल्ला प्रहरी कार्यालय बाराले जनाएको छ।
चक्का फेर्न भनेर राजमार्ग छेउमा रोकेर राखेको प्रदेश २–०३–००१ ख ४२२९ नम्बरको मालबहाक ट्रकमा निजगढबाट सिम्रीतर्फ जाँदै गरेको प्रदेश २–०३ –००९ प ३९४३ नम्बरको मोटरसाइकल ठोक्किएपछि मोटरसाइकलमा सवार ३ जना मध्ये दुई जनाको घटनास्थलमै मृत्यु भएको प्रहरीले जनाएको छ । गम्भीर रुपले घाइते सुशिललाई उपचारको लागि भरतपुर पठाइएको छ ।
घटना सम्बन्धमा थप अनुसन्धान भइरहेको बारा प्रहरीले जानकारी दिएको छ।
