सर्लाही , २६ कार्तिक //
सर्लाहीमा मोटरसाइकल अनियन्त्रित भई दुर्घटना हुँदा एकजनाको मृत्यु भएको छ ।मृत्यु हुनेमा चन्द्रनगर गाउँपालिका ६ बस्ने ३५ वर्षीय बिजय मुखिया रहेका छन्।
शुक्रबार साँझ ईश्वरपुर नगरपालिका ९ खोरिया टोल स्थित बयलवासबाट नाढिमनतर्फ जाँदै गरेको मोटरसाइकल आफै अनियन्त्रण भएर दुर्घटना भएको जिल्ला प्रहरी कार्यालय सर्लाहीका प्रहरी प्रवक्ता प्रहरी नायव उपरीक्षक बिजय यादवले जानकारी दिए ।
मुखियाको मुख, टाँउको, शरिरमा चोटलागि गम्भिर घाईते भएकोमा उपचारकालागि सिद्धिबिनायक अस्पताल बयलवासमा ल्याउँदा चिकित्सकले मृत घोषणा गरेका थिए ।
