चार हजार घुस सहित एक प्रहरी पक्राउ

धनुषा , १८ कार्तिक //
धनुषामा घुस सहित एक प्रहरीलाई अख्तियार दुरुपयोग अनुसन्धान आयोगको टोलीले पक्राउ गरेको छ ।

जिल्लाको सिमा प्रहरी कार्यालय जटहीका प्रमुख वरिष्ठ प्रहरी नायव निरीक्षक देवकीलाल चौधरीलाई आयोगको टोलीले चार हजार रूपैयाँ घुससहित पक्राउ गरेको जिल्ला प्रहरी कार्यालय धनुषाका प्रवक्ता प्रदीप बहादुर क्षेत्रीले जानकारी दिए ।

नगराईन नगरपालिका वडा नम्बर २ जटही स्थित विनायक ईन्टर प्राईजेज मदिरा पसलबाट आयोगको टोलीले पक्राउ गरेको प्रहरीले जनाएको छ ।