रौतहट,१७ कार्तिक । नेपाली काँग्रेस रौतहट क्षेत्रनं ४ का संघिय सांसदका उम्मेदवार देव प्रसाद तिमलसिनाले आफ्नो चुनावी प्रचारलाई तिब्र पारेका छन् ।
तिमलसिनाले आफ्नो जितका लागि क्षेत्रवासीको पुर्ण सहयोग रहने बताएकाछन् । तिमलसिनाले आज बृन्दावन नगरपालिकामा घरदैलो कार्यक्रम गरेका छन ।
उनले नेकपा माओवादीका प्रदेशसभा सदस्यका उम्मेदवार युवराज भट्टराईको साथमा तिमल्सीना घरदैलो मा ब्यस्त रहेको नेपाली काँग्रेसका युवा नेता सुमन गौतमले बताए ।
तिमलसिना रौतहट क्षेत्रनं ४ का पुर्व सांसद हुन । नेपाली काँग्रेस सहित सत्ता गठबन्धनले चुनाव प्रचार प्रसार लाई तिब्रता दिन थालेका छन ।
यो क्षेत्रमा नेकपा एमालेबाट रौतहट क्षेत्रनं ४ को संघिय सांसदको उम्मेदवार रहेका उद्धव रेग्मीले समग्र क्षेत्रको विकासका लागि आफुलाइ मतदान गर्न आग्रह गरेका छन् ।
चन्द्रपुर ७ नयाँ बस्तीमा आयोजित घरदैलो कार्यक्रममा मतदातासंग उनले देश विकासका लागि एमालेको पक्षमा मतदान गर्न आग्रह गरेका हुन ।
रौतहट क्षेत्रनं ४ क प्रदेशसभा सदस्यका उम्मेदवार अखिलेश्वर चोधरी सहित नयाँ बस्तिमा भएको घरदैलोमा रेग्मीले विकासका लागि एमालेको पक्षमा मतदान गर्न आग्रह गरेको नेकपा एमाले चन्द्रपुर नगर अध्यक्ष शिव आचार्यले बताए । रेग्मीले रौतहट ४ को दुबै प्रदेशसभा सदस्य सहित आफ्नो जित पक्का रहेको बताएकाछन् ।
रौतहट क्षेत्रनं ४ को क प्रदेशसभामा अखिलेश्वर चौधरी र ख प्रदेशसभामा फुलबाबु गठबन्धनका उम्मेद्वार संग प्रतिस्पर्धामा छन ।
सांसद पदका उम्मेदवार रेग्मीले रौतहट ४ मा एमाले जसपा गठबन्धनको जित पक्का रहेको दावी गरेका छन ।
रौतहट ४ मा रेग्मी र तिमल्सीना बिच कडा प्रतिस्पर्धा
