रौतहट, १४ मंसिर । गत मंसिर ४ मा सम्पन्न प्रतिनिधि सभा र प्रदेश सभा को निर्वाचनमा उम्मेद्वार बनेका १ सय ६८ जना को जमानत जफत भएको छ ।
रौतहटमा प्रतिनिधि सभाको ४ वटै निर्वाचन क्षेत्रमा ६७ जना व्यक्तिले उम्मेदवारी दिएका थिए जसमध्ये ५८ जना उम्मेदवारको जमानत जफत भएको जिल्ला निर्वाचन कार्यालय रौतहटले जनाएको हो ।
यस्तै प्रदेश सभा तर्फ १ सय ३५ जना मध्ये १ सय १० जना उम्मेदवारको जमानत जफत भएको रौतहट जिल्ला निर्वाचन अधिकृत छोटेलाल दासले बताएका छन ।
प्रतिनिधि सभाको लागि निर्वाचन क्षेत्र १ मा १७ जना ले उम्मेदवार दिएका मध्ये १५ जना, निर्वाचन क्षेत्र नम्बर २ मा १३ जना मध्ये ११, निर्वाचन क्षेत्र ३ मा १९ जना मध्ये १६ र निर्वाचन क्षेत्र नम्वर ४ मा १८ जना मध्ये १६ जना गरी ५८ जनाको जमानत जफत भएको अधिकृत दासले जानकारी दिए ।
रौतहटमा १ सय ६८ उम्मेदवारको जमानत जफत
