बारा , २२ कार्तिक //
बाराबाट प्रहरीले २५ किलो लागुऔषध गाजासहित एक जनालाई पक्राउ गरेको छ।
पक्राउ पर्नेमा जिल्लाको निजगढ नगरपालिका १२ बारथली बस्ने ५८ वर्षीय प्रेमबहादुर लो रहेका छन्।
इलाका प्रहरी कार्यालय निजगढ, बाराबाट खटिएको प्रहरी टोलीले आइतबार राति निजगढ १२ कुलियाबाट उनलाई पक्राउ गरेको थियो । कुलियामा प्रहरी टोलीलाई देख्ने वित्तिकै उनी सहित ३ जनाले बोकेर ल्याएको बोरा फालेर भागेका थिए ।
२ वटा बोरामा ७ किलोका दरले १४ किलो र एउटा बोरामा ११ किलो गरी जम्मा २५ किलो लागु औषध गाजा बरामद भएको जिल्ला प्रहरी कार्यालय बाराका प्रवक्ता प्रहरी नायब उपरीक्षक राजेश थापाले जानकारी दिए ।
