चन्द्रपुर, १३ मंसिर । रौतहटको जिल्लाको बिभिन्न स्थानमा यतीबेला किसानलाइ धान भित्राउने चटारो छ । धान ल्याएर किसानले घर अगाडीको बाटोमा राखेका कारण सवारी दुर्घटनाको खतरा रहेको छ । सडक मै धान राख्दा खतरा बढ्दै जान थालेको स्थानीयको भनाइ रहेको छ ।
जिल्लाका ग्रामिण भेगका सडकमा यतीबेला धान राख्ने गरेका कारण सवारी दुर्घटनाको खतरा बढ्दै जान थालेको चन्द्रपुर नगरपालिका वडान ९ का स्थानीय बासिन्दा गणेश तिमलसिनाले बताए।
चन्द्रपुर नगरपालिकाका ग्रामिण सडकमा धानमा थ्रेसर लगाउने बाटोमै धान र पराल राख्ने गरेका कारण मोटर साईकल लिएर आवत जावतका लागि समेत समस्या भएको मान्छे र सवारी हिडने सडकमा धान थ्रेसर लगाउने गरेका कारण बाटो हिडनेको आँखामा धुलो परेर हिडन समेत समस्या हुने गरेको स्थानीयको भनाइ ।
चन्द्रपुर नगरपालिका गुजरा नगरपालिका बृन्दावन नगरपालिका लगाएतका स्थानमा किसानले धान बाटोमा राख्ने गरेका कारण सवारी आवागमनमा समेत समस्या भएको यात्रुको भनाइ रहेको छ ।
गाँउको ढलान बाटोमा तिब्र गतिमा कुद्ने सवारी साधनले अगाडी धान राखेको थाहा नपाउदा दुर्घटना समेत हुने गरेको स्थानीयको भनाइ रहेको छ ।
बाटोमै धान राख्दा दुर्घटनाको खतरा
