सर्लाही , ३० असोज //
सर्लाहीको लालबन्दीमा शनिबार १ सय ४३ जनाले रक्तदान गरेका छन् ।
लायन्स क्लब अफ लालबन्दी सिटी, लायन्स क्लब अफ लालबन्दी सेन्चुरी र लालबन्दी सिटी लियो क्लबले संयुक्त रुपमा लालबन्दी–७ स्थित ऐनसेल पसल अगाडि आयोजना गरेको शिविरमा १४३ सहभागी भई रक्तदान गरेका हुन् ।
शिविरमा संकलन भएको रगत नेपाल रेडक्रस सोसाइटी जनकपुरलाई प्रदान गरिएको लायन्स क्लब अफ लालबन्दी सिटीका अध्यक्ष चिरन्जीवी खतिवडाले जानकारी दिए ।
यस क्लबले असहाय तथा अपाङ्गता भएका व्यक्तिलाई सहयोगसहित अन्य सामाजिक काम पनि गर्ने गरेको छ ।
