महोत्तरी , ३१ असोज//
सशस्त्र प्रहरीले महोत्तरीमा लाखौँको पटाका बरामद गरेको छ । महोत्तरीको मटिहानी र सम्सी नाकाबाट नेपाल भित्र्याइएको पटका बरामद गरेको हो।
मटिहानी ९ स्थित हनुमान चोकबाट लुकाईछुपाई ल्याएको २ कार्टुन र सम्सी नाकाबाट भित्रिएको दुई कार्टुन पटका बरामद गरेको सशस्त्र प्रहरी महोत्तरीले जनाएको छ ।
सशस्त्र प्रहरी बल ९ नम्बर गण हेडक्वार्टरबाट खटिएको र सशस्त्र प्रहरी बल बिओपी सम्सीबाट खटिएको प्रहरी टोलीले दुई ठाउँबाट ४ कार्टुन पटका बरामद गरेको सशस्त्र प्रहरी ९ नम्बर गण जलेश्वरका प्रमुख दिपेन्द्र गिरीले जानकारी दिए ।
सशस्त्र प्रहरीले शनिबार नै दुई वटा नाकाबाट १ लाख २२ हजार ८ सय ७० रुपैयाँ मूल्यको पटका बरामद गरेर नष्ट गरेको गिरीले बताए ।
बरामद गरिएको पटका खाल्डोमा पुरिएको सशस्त्र प्रहरीले जनाएको छ ।
