मुकेश कुमार साह, रौतहट ०४ कार्तिक । रौतहटको चन्द्रपुर नगरपालिका ८ बेतौनामा नक-आउट टि–ट्वान्टी क्रिकेट टुर्नामेन्ट सुरु भएको छ । तिहार तथा छठ पर्वको अवसर पारेर बसन्तपुर युवा क्लब चन्द्रपुरले टुर्नामेन्टको आयोजना गरेको हो । शुक्रवारबाट सुरु भएको प्रतियोगितामा १६ टिमको सहभागिता रहनेछ । कार्यक्रमको उदघाटन गर्दै चन्द्रपुर नगर कार्यपालिका सदस्य हिमाकला रानाले खेलले मनोरञ्जनको साथै शारीरिक, मानसिक र समाजिक सदभावको लागि मद्धत गर्ने बताइन । कार्यक्रमको अतिथीहरुमा माओवादी केन्द्रको वडा अध्यक्ष प्रत्यासी जंग बा. थापा ,नेकपा एस वडा नं ८ का वडा अध्यक्ष प्रत्यासी दिपक पौडेल, युवा व्यवसायी अनिल चौधरी, किरण थापा, दिपेश पौडेल लगाएत रहेका थिए । आज देखी सुरु भएको टुर्नामेन्टमा पहिलो खेल गरुडा-८ जिंगडियाले जितेको छ।
चन्द्रपुर ८ बेतौनाको खेल मैदानमा भएको टुर्नामेन्टमा गरुडा-८ जिंगडियाले बृदावन-७ सखुवा-धमौराको टिमलाई पराजित गरेको हो । टस जितेर पहिलो ब्याटिंग रोजेका जिंगडियाको टिमले १५.१ बलमा अल-आउट हुदै १२६ रनमा समेटीए भने धमौराले दुई विकेट छदै ११ ओभरमा ८ विकेट खर्चेर १२७ रन बनाएर सानदार जित निकालेको हो ।
खेलको विजेता तथा उप–विजेताले क्रमशः २५ हजार र १५ हजार रुपैयाँको नगद पुरस्कार सहित मेडल, प्रमाण–पत्र र रनिङ शिल्ड प्राप्त गर्ने कल्वका अध्यक्ष शंकर गौतमले जानकारी दिए । टुर्नामेन्टको आर्थिक सहयोग उजाला फार्मेसी चन्द्रपुर ९ को रहेको छ ।
बेतौनामा नक आउट टि-२० क्रिकेट टुर्नामेन्ट शुरु ,पहिलो खेलमा जिंगडिया टिम बिजयी
