पर्सा , २८ असोज //
पर्सामा लरीको ठक्करबाट पैदलयात्रीको मृत्यु भएको छ । मृत्यु हुनेमा पोखरिया नगरपालिका १ वनकटुवा बस्ने ६० वर्षीय विगा राम रहेका छन्।
शुक्रबार बिहान वीरगञ्ज–२४ बहुवरीस्थित ड्राईपोर्टबाट परवानिपुरतर्फ जाँदै गरेको ना ३ ख ५७४३ नम्बरको खाली लरीले बाटो काट्दै गरेका रामलाई ठक्कर दिँदा गम्भीर घाइते भएका थिए ।
उपचारको लागि उनलाई नारायणी अस्पतालमा लगिएकोमा मृत्यु भएको पर्साका प्रहरी प्रबक्ता प्रहरी नायव उपरीक्षक दिपक गिरीले जानकारी दिए ।
ठक्कर दिने लहरीका चालक प्रहरीको नियन्त्रणमा रहेका छन् भने यस सम्बन्धमा थप अनुसन्धान भइरहेको जिल्ला प्रहरी कार्यालय पर्साले जनाएको छ ।
