सर्लाही , २५ असोज //
सर्लाहीमा स्कारपिओको ठक्करबाट एक बालकको मृत्यु भएको छ । मृत्यु हुनेमा ईश्वरपुर नगरपालिका १४ बस्ने
हिरालाल मण्डलको करिब ४ वर्षीय छोरा निशान्त कुमार मण्डल रहेका छन्।
सोमबार दिउँसो करिब ३ बजे मलंगवा नगरपालिका ४ शिवसागर चौक स्थित मलंगवा–नवलपुर सडक खण्डमा
मलंगवाबाट नवलपुरतर्फ जादै गरेको चक्रघट्टा गाउँपालिकाको नाममा रहेको ना १ झ १७०० नंम्बरको स्कारपियोले ठक्कर दिँदा बालकको टाउको र शरिरको विभिन्न भागमा चोट लागि गम्भिर घाईते भएका थिए ।
बालकलाई उपचारको लागि प्रादेशिक अस्पताल मलंगवामा पठाईएकोमा करिब साढे ३ बजे डक्टरले मृत घोषणा गरेको प्रहरी प्रवक्ता प्रहरी नायव उपरीक्षक बिजय कुमार यादवले जानकारी दिए ।
ठक्कर दिने स्कारपिओ र चालक प्रहरीको नियन्त्रणमा रहेको जिल्ला प्रहरी कार्यालय सर्लाहीले जनाएको छ ।
