बारा , २४ असोज //
बारामा हिजो बेलुका मोटरसाइकल दुर्घटना हुँदा एक महिलाको मृत्यु भएको छ ।
मृत्यु हुनेमा जिल्लाको महागढीमाई नगरपालिका- ७ बरियारपुरका स्थानीय ४४ वर्षीया रामदुलारी साह रहेकी छिन् ।
दुर्घटनामा गम्भीर घाइते भएकी उनको उपचारका क्रममा न्युरो अस्पताल परवानीपुर नौतनमा मृत्यु भएको प्रहरीले जनाएको छ।
मौलापुरबाट तेलकुवातर्फ आउँदै गरेको अल्फाबेट नखुलेको ८५ ०७ नम्बरको मोटरसाइकल हिजो बेलुका ८ बजे अनियन्त्रित भइ पल्टिएको थियो ।
मोटरसाइकल चालकलाई प्रहरी चौकी तेलकुवा बाराले नियन्त्रणमा लिइ थप अनुसन्धान भइरहेको छ।
