रौतहट १० कार्तिक / कटहरिया बजारमा गएराती एकघरमा डकैती तथा लुटपाट भएको छ /
लुटेरा समुहले छोडेर गएको एकथान हतियार घटनास्थल बाट प्रहरीले बरामद गरेको छ।
घटनास्थल ईलाका प्रहरी कार्यालय कटहरिया बाट मात्र दुईसय मिटर टाढा रहेकाले छ ।
५/६ जना को संख्यामा रहेका अज्ञात हतियारधारी समूह गएराती १ बजे कटहरिया नपा ५ का रामचन्द्र साह सोनारको घरको पछाडि वालमा भर्याङ राखेर घरभित्र पसेका थिए ।फलामको सिढी लगाएर भित्र प्रवेश गरेका थिए ।
कोठामा रहेको दराज फोडेर २५ हजार बराबरको विभिन्न गहना,गल्ला पसलमा राखिने बाक्सा फोडेर २५ हजार नगद र केहि कपाली तमसुक समेत लुटेको पीडित रामचन्द्र साहले बताएका छन ।
घरको दोस्रो तल्लाको कोठामा सुतिरहेका साहका नाति २५ बर्षिय विवेक साहले होहल्ला गरेपछि लुटेरा समूह भागेका छन ।
लुटेराले कोदालो,एकजनाको हातमा लौरो र तेस्रोको हातमा हतियार देखेर चुपचाप बसेको विवेक साहले बताएका छन ।
घटना लगत्तै ईलाका प्रहरी कार्यालय कटहरिया र ईलाका प्रहरी कार्यालय गरुडामा फोन गरेको र बिहान साढे २ बजे आएको प्रहरी टोलीले घरेलु हतियार थ्रीफिप्टिन पेस्तोल बरामद गरेको छ।
ईलाका प्रहरी कार्यालय गरुडाका प्रमुख डिएसपी बरुण कुमार सिंहले घटनास्थल बाट प्रहरीले हतियार बरामद गरेको बताए ।
लुटेरा समूह रामचन्द्र साहको घरमा प्रवेश गर्नु अघि कटहरिया गाउँका जयमंगल साह सोनार र पारस साह सोनारको घरको ढोकामा समेत हिर्काएका थिए ।
ईलाका प्रहरी कार्यालय कटहरियाका प्रहरी टोलिले प्रायः राति गस्ती कम गर्ने गरेको कारण कटहरिया बजार तथा आसपासको गाउमा पटकपटक चोरी तथा लुटपाटको घटना हुँदै आएको स्थानीयहरुले गुनासो गरेका छन ।
फोटो : लुटेराले छाडेर गएको बन्दुक ।
प्रहरी चौकी नजिकै डकैती, घर छेउमा बन्दुक बरामद
