पर्सा , २६ असोज //
पर्साबाट प्रतिबन्धित लागू औषध गाँजासहित दूई जनालाई प्रहरीले पक्राउ गरेको छ ।
पक्राउ पर्नेहरुमा धोबिनी गाउँपालिका वडा नम्बर १ का नन्दलाल दास र छिपहरमाइ गाउँपालिका वडा नम्बर ३ का बाघा यादव रहेका छन् ।
ईलाका प्रहरी कार्यालय सेढवाबाट प्रहरी नायव निरिक्षक प्रकाश महतोको नेतृत्वमा खटिएको गस्ती टोलीले जिराभवानी गाउँपालिका वडा नम्बर १ बाट ९ किलो गाँजासहित उनिहरूलाई पक्राउ गरेको हो ।
भारतीय नम्बरको मोटरसाइकल बीआर २२ के २१८० मा सवार भइ ठोरी गाउँपालिकाको बिजयबस्तीबाट आउँदै गरेको अवस्थामा उनीहरुलाई पक्राउ गरेको प्रहरीले जनाएको छ।
उनुहरुलाई थप अनुसन्धानका लागि जिल्ला प्रहरी कार्यालय पर्सामा पठाइएको ईलाका प्रहरी कार्यालय सेढवाले जनाएको छ ।
