चितवन ८ कार्तिक // चितवनको रत्ननगरस्थित एक मोटरसाइकल ग्यारेजमा आगलागी भएको छ । रत्ननगर नगरपालिका-१ सौराहा चोकमा रहेको न्यू कालिका अटो पार्टसमा आज बिहान ३ : ५० बजे आगलागी भएको जिल्ला प्रहरी कार्यालय चितवनले जनाएको छ ।
भरतपुर महानगरपालिका र खैरहनी नगरपालिकाको दमकलले बिहान ६ बजे आगो नियन्त्रणमा लिएको प्रहरीले जनाएको छ ।
आगलागीबाट नयाँ पुराना गरी ३२ वटा मोटरसाइकल जलेका छन् । नयाँ १२ वटा र पुराना २० भन्दा बढी मोटरसाइकल जलेर क्षति भएका छन् ।
तिहारमा बालिएका बत्तीबाट विद्युत सर्ट भएर आगलागी घएको प्रहरीको भनाइ छ ।
