रौतहट , २६ असोज //
रौतहटमा कल्भर्टको खाल्डोमा खसेर एक पुरुषको मृत्यु भएको छ । मृत्यु हुनेमा जिल्लाको देवाही गोनाही नगरपालिका वडा नम्बर ३ देवाहीका रामएकबाल साह (तेली) रहेका छन्।
रौतहटको गौर चन्द्रपुर सडकखण्ड अन्तर्गत पर्ने जयनगर चौकस्थित कल्भर्टको खाल्डोमा खसेर साहको मृत्यु भएको प्रहरीले जनाएको छ।
प्रहरीका अनुसार आज बिहान करिब ८ बजेतिर साईकलमा सवार भई गौरतर्फ जाने क्रममा जयनगर हस्पिटलस्थित अन्य यातायातहरुसंग साइड लिने क्रममा उनी खाल्डोमा खस्दा उनको घटनास्थलमै मृत्यु भएको प्रहरीले जानकारी दिएको छ ।
यस्तै, कल्भर्ट अधुरो छोडेका ठेकदारलाई पक्राउ गरि कानुनी कारवाही गर्न स्थानीय प्रशासनसंग मृतकका आफन्तहरुले माग गरेका छन् ।
घटना सम्बन्धमा थप अनुसन्धान भइरहेको रौतहट प्रहरीले जनाएको छ।
