धनुषा ,३१ असोज //
जनकपुरबाट चोरीको मोटरसाइकलसहित दुई युवकलाई प्रहरीले पक्राउ गरेको छ । पक्राउ पर्नेमा धनुषाको शहिदनगर नगरपालिका ५ वस्ने २० वर्षीय अजित पासवान र जनकपुरधाम उपमहानगरपालिका ९ बस्ने वर्ष २२ का चन्दनकुमार झा रहेका छन् ।
पासवानलाई ज.२ प. ७०९९ नम्बरको स्पलेण्डर मोटरसाईकल र झालाई ज.१२ प. २७८५ नम्बरको २२० सीसी पल्सर मोटरसाईकल चोरी गरेको आरोपमा पक्राउ गरेको जिल्ला प्रहरी कार्यालय धनुषाले जनाएको छ ।प्रहरीका अनुसार जनकपुरको फरक फरक स्थानबाट दुबै युवकले मोटरसाइकल चोरी गरेका थिए ।
दुबैजनाको साथबाट चोरीको मोटरसाइकल समेत बरामद गरिएको प्रहरीले जनाएको छ । उनीहरुमाथि चोरी सम्बन्धी मुद्दा शिर्षकमा म्याद थप गरी अनुसन्धान भइरहेको जिल्ला प्रहरी कार्यालय धनुषाले जनाएको छ ।
