रौतहट , २२ भदौ //
नेपाल कम्युनिष्ट पार्टी(माओवादी केन्द्र) रौतहट क्षेत्र नं. ४ को प्रतिनिधि सभा सदस्यमा पार्टीका केन्द्रिय सदस्य तथा जिल्ला इन्चार्ज युवराज भट्टराई समिरको एकल नाम सिफारिस गरेको छ ।
त्यसैगरी समानुपातिकतर्फ देवकी नेपाल, गणेश बस्नेत, सुनिल खरेल र अमित कुमार श्रेष्ठको नाम सिफारिस गरेको छ ।
त्यसैगरी क्षेत्र नं. ४ क अन्तर्गत प्रदेश सभा सदस्यका लागि पार्टीका मधेश प्रदेश सदस्य तथा रौतहट जिल्ला संयोजक देवेन्द्र पटेल, प्रदेश सभा सदस्य वीर बहादुर गोले र एकराज थापालाई सिफारिस गरेको छ ।
त्यसैगरी समानुपातिक तर्फ कमल पहरी, धरीचन राम, पदम कुमारी राना, राम बहादुर घलान र टेकनाथ खरेलको नाम सिफारिस गरिएको छ ।
क्षेत्र नं. ४ ख अन्तर्गत प्रदेश सभा सदस्यका लागि प्रत्यक्ष तर्फ नागेन्द्र यादव, इदमहमद मन्सरी र जितेन्द्र श्रीवास्तवको नाम सिफारिस गरिएको छ ।
समानुपातिक तर्फ सकिलिया खातुन र सोमरिया देवीको नाम सिफारिस गरिएको पार्टीका जिल्ला इन्चार्ज भट्टराई समिरले जानकारी दिए ।
