बारा , ६ असोज //
नेपालबाट भारततर्फ मोटरसाइकलमा हालेर लैजान लागिएको ५० किलो गाँजा प्रहरीले सिमानाकाबाट बरामद गरेको छ ।
भारत लैजान लागिएको उक्त परिमाणको एक बोरा गाँजा बाराको पचरौता नगरपालिका वडा नम्बर २ बिष्णपुरस्थित सडकबाट मंगलबार प्रहरीले बरामद गरेको हो ।
नम्बर नखुलेको मोटरसाइकलमा राखि नेपालबाट भारततर्फ लैजाँदै गरेको अवस्थामा प्रहरी चौकी पिपरपातीबाट खटिएको प्रहरीले उक्त गाँजा बरामद गरेको जिल्ला प्रहरी कार्यालय बाराका प्रमुख प्रहरी उपरीक्षक होबिन्द्र बोगटीले बताए ।
गाँजाको बोरा राखेर मोटरसाइकलमा हुइङ्किएका व्यक्ति प्रहरी देखेपछि फालेर भागेका थिए । फरार व्यक्तिको खोजी भइरहेको बारा प्रहरीले जनाएको छ ।
