बारा , ९ असोज //
नक्कली नेपाली रूपैंयाको नोटसहित एक जनालाई बारा प्रहरीले पक्राउ गरेको छ ।
पक्राउ पर्नेमा जिल्लाको सिम्रौनगढ नगरपालिका वडा न.५ कनकपुर टोल बस्ने जगदेव महतो नुनिया रहेका छन् ।
विशेष सूचनाको अधारमा इलाका प्रहरी कार्यालय सिम्रौनगढको प्रहरी टोलीले नुनियाको घरमा सुत्ने कोठामा रहेको बाँसको मचानमाथि रहेको ओच्छयान मुनी माछा मार्ने जालभित्र लुकाइ छिपाई राखेको नेपाली नक्कली नोट बरामद गरेको हो ।
प्रहरीले उनको घरबाट नेपाली रू एक हजार दरको नोट–८१ थान र पाँच सय दरको नोट–३ थान गरी जम्मा ८२ हजार पाँच सय नक्कली नोट फेला परेको जिल्ला प्रहरी कार्यालय बाराका प्रमुख प्रहरी उपरीक्षक होबिन्द्र बोगटीले जानकारी दिए ।
बरामद नक्कली नोटसहित नुनियालाई नियन्त्रणमा लिई अनुसन्धान भइरहेको प्रहरी उपरीक्षक बोगटीले बताए ।
बाराबाट ८२ हजार पाँच सय नक्कली नोटसहित एक जना पक्राउ
