मुकेश साह,रौतहट १९ भदौ । नेपाल डेरी एसोसियसन मधेस प्रदेशले दुग्ध तथा पशु पालन सम्बन्धी अध्यन अबलोकन भ्रमण सम्पन्न गरेको छ । डेरी एसोसियसन मधेस प्रदेशको आर्थिक सहयोगमा भ्रमणको कार्यक्रम तय भएको थियो ।
मधेस प्रदेश क्षेत्रका किसानहरुलाई कृषि उत्पादन, पशु पालन व्यवसायमा आकर्षण गराउन, कृषि क्षेत्रमा बिभिन्न प्रबिधिको विकास गर्न र पशुपालन बिषयमा अध्यन, अनुसन्धान तथा अनुगमन गराउने मुख्य उदेश्यले सुरु भएको भ्रमण सकिएको एसोसियसनका केन्द्रीय सदस्य नबिन प्रसाद चौरसियाले जानकारी दिए ।
अरु ठाउँमा भएको पशु पालनको विकास आफ्नो ठाउँमा पनि कसरी बनाउन सकिन्छ भन्दै मधेश प्रदेशमा रहेको कृषि पकेट क्षेत्रहरु, पशु पालनको फर्म लगाएतका क्षेत्रहरुमा अवलोकन भ्रमण गरेको डेरी एसोसियसनका केन्द्रीय उपमहासचिव विजय प्रसाद चौरसियाले बताए । भ्रमणको क्रममा नेपाल डेरी एसोसियसन मधेस प्रदेशका प्रमुख राघो प्रसाद सिंहले दुग्ध सम्बन्धि प्रशिक्षण दिएका थिए ।
अबलोकन भ्रमणले आफुहरुलाई दुग्ध सम्बन्धि जानकारी तथा गाई फर्मको अबलोकन पछि आफुलाई गाई पालन गर्न मन लागेको एक किसानले बताए । गाई पालन गर्न त्यति गाह्रो रहेनछ , आम्दानी पनि राम्रो हुदो रहेछ उनले भने ।
कृषक भ्रमण टोलि जम्मा २१ जनाको रहेको थियो जसमा कृषक, डेरी एसोसियनकाका सदस्य, कर्मचारीहरुको सहभागी भएका थिए ।
