पर्सा , २० भदौ //
पर्साबाट श्रोत नखुलेको ४ लाख ५० हजार नेपाली रूपैया सहित एकजना पक्राउ परेका छन् । पक्राउ पर्नेमा वीरगंज महानगरपालिका वडा नम्वर १२ बस्ने २७ वर्षिय सुरज पटेल रहेका छन् ।
विषेश सुचनाको आधारमा शंकराचार्य गेटस्थित सडक खण्डमा भारतको रक्सौलबाट वीरगञ्जतर्फ ना.५२ प २४२० नम्बरको मोटरसाईकल रोकी चेकजाँच गर्दा हेलमेट भित्रलुकाई छिपाई श्रोत नखुलेको ४ लाख ५० हजार नेपाली रूपैया बरामद गरिएको पर्साका प्रहरी उपरीक्षक रमेश कुमार बस्नेतले जानकारी दिए ।
बरामद नगद सहित पटेललाई थप आवश्यक कार्यवाहीको लागी जिल्ला प्रहरी कार्यालय पर्सामा राखी बैंक तथा वित्तीय संस्था सम्बन्धी कसुरमा कार्यवाही अगाडी बढाईएको पर्साका प्रहरी प्रवक्ता डिएसपी दिपक गिरीले बताए ।
