रौतहट , २७ भदौ //
जंगली हात्तीले रौतहटको चन्द्रपुर नगरपालिका-६ मा पर्ने लमाहाको सुकुम्बासी बस्तीका पाँच घर भत्काई दिएको छ ।
पूर्वपश्चिम राजमार्गसंगै रहेको सो सुकुम्बासी बस्तीमा सोमबार बिहान २ बजेको समयमा दुई वटा हात्तीले घर भत्काएको ईलाका प्रहरी कार्यालय चन्द्रनिगाहपुरले जनाएको छ ।
सो हात्तीले स्थानीय राम पहरी, लक्ष्मण पहरी, फुलमाया मगर, अर्जुन पहरी र धनमाया पहरीको घर भत्काईदिएको छ । चन्द्रनिगाहपुर स्थित घना बस्तीमा छिरेको हात्तीलाई बस्तीबाट भगाउन चार घण्टा लागेको थियो ।
हात्तीले घर भत्काए पनि मानविय क्षति भने नभएको ईलाका प्रहरी कार्यालय चन्द्रनिगाहपुरले जनाएको छ ।
