महोत्तरी ,४ साउन //
महोत्तरीमा मोटरसाइकल दुर्घटना हुँदा एक युवकको मृत्यु भएको छ भने अर्का एकजना गम्भीर घाइते भएका छन् ।मृत्यु हुनेमा अैारही नगरपालिका २ बस्ने २४ वर्षीय विवेक यादव रहेका छन्।
महोत्तरीको गौशाला नगरपालिका-२ निगौल सडक खण्डमा बुधबार पेट्रोल पम्प नजिकै दुई मोटरसाइकल एकआपसमा ठोक्किएर दुर्घटना भएको प्रहरीले जनाएको छ ।
सम्सीबाट गौशालातर्फ आउँदै गरेको प्रदेश नं. २-०२-००३ प ७७३८ नम्बरको मोटरसाइकल र विपरीत दिशाबाट जाँदै गरेको प्रदेश नं. २-०२-००१ प ८६७९ नम्बरको मोटरसाईकल एक आपसमा ठाेक्किएर दुर्घटना भएको ईलाका प्रहरी कार्यालय गाैशलाले जानकारी दिएको छ।
उक्त दुर्घटनामा गौशाला नगरपालिका-४ रजखोर बस्ने २५ वर्षीय कृष्ण यादव गम्भीर घाइते भएका छन् । उनकाे गौशालास्थित प्राथमिक स्वास्थ्य केन्द्रमा उपचार भई थप उपचारको लागि काठमाडौं रिफर गरिएको ईलाका प्रहरी कार्यालय गौशालाले जनाएको छ ।
मृतक यादवको शव परिक्षणको लागि जिल्ला अस्पताल जलेश्वर पठाईएकाे तथा घटना सम्बन्धमा थप अनुसन्धान भइरहेको प्रहरीले जनाएको छ।
