बारा , ७ साउन //
बाराबाट १ सय ५० किलो प्रतिबन्धित गाँजासहित दुईजनालाई सशस्त्र प्रहरीले पक्राउ गरेको छ ।
पक्राउ पर्नेहरुमा मकवानपुरको कैलाश गाउँपालिका ६ सानुलेख बस्ने २९ वर्षीय राजकुमार रुम्बा र ट्रकमा सवार भारतीय नागरिक मोतीहारी जिल्ला थाना संग्रामपुर ११ बस्ने श्यामलाल महतो रहेका छन्।
शुक्रबार साँझ बा ५ ख ८०७५ नम्बरको ट्रकमा लुकाएर बाराको महागढीमाई नगरपालिका ५ तेलगाई बाटो हुँदै
सीमा तर्फ लैजाँदै गरेको अवस्थामा सशस्त्र प्रहरीले गाँजासहित दुईजनालाई पक्राउ गरेको हो ।
१५ किलोको दरले १० वटा प्लास्टिकको पोकामा प्याक गरिएको १५० किलो गाँजा नियन्त्रणमा लिएको सशस्त्र प्रहरी मधेश प्रदेशका डिआइजी गणेश ठाडा मगरले जानकारी दिए ।
उनीहरुलाई गाँजासहित कारबाहीको लागि नेपाल प्रहरीलाई बुझाइएको सशस्त्र प्रहरीले जनाएको छ ।
