पर्सा , २ साउन //
पर्साबाट प्रतिबन्धित लागुऔषधसहित १ जनालाई सशस्त्र प्रहरीले पक्राउ गरेको छ । पक्राउ पर्नेमा पटेर्वासुगौली गाउँपालिका वडा नम्बर ३ निवासी मन्जित महरा रहेका छन्।
भारतबाट नेपालतर्फ आउँदै गरेको बा ५२ प ६१४६ नम्बरको मोटरसाइकलबाट आउँदै गरेको अवस्थामा लाई सशस्त्र प्रहरीले पक्राउ गरेको हो ।
विशेष सूचनाको आधारमा खटिएको सशस्त्र प्रहरीले चेकजाँचका क्रममा ३ सय पिस नाइट्रोभेट ट्याब्लेट, ५१ पिस डाइजेपाम, ५१ पिस नोरफिन र ४९ पिस फेनारगन बरामद भएको सशस्त्र प्रहरी उपरीक्षक तेजप्रसाद पोखरेलले जानकारी दिए ।
उनका अनुसार प्रतिबन्धित लागुऔषधसहित पक्राउ परेका महरालाई आवश्यक कारवाहीका लागि जिल्ला प्रहरी कार्यालय पर्सामा बुझाइएको छ ।
