सर्लाही ,१४ साउन //
सर्लाहीमा ट्याक्टरबाट खसेर एक युवकको मृत्यु भएको छ ।
मृत्यु हुनेमा चक्रघट्टा गाएँपालिका–६, गोहियाही बस्ने १९ वर्षीय निखिल चौधरी रहेका छन्।
शुक्रबार दिउँसो साँढे ३ बजेतिर बागमती नगरपालिका–४, जिरायतमा शुक्रबार दिउँसो बोलबमका तिर्थयात्री बोकेर आउँदै गरेको नम्वर नुखलेको ट्याक्टरबाट खसेर सोही ट्याक्टरमा सवार चौधरीको मृत्यु भएको प्रहरीले जनाएको छ।
ट्याक्टरको टेलरबाट अगाडिको भाग इन्जिनमा जाने क्रममा बीचमा लडी गम्भीर घाइते भएका चौधरीलाई उपचारका लागि सरस्वती अस्पताल हरिवन ल्याउँदा चिकित्सकले मृत घोषणा गरेका थिए ।
दुर्घटनापछि ट्याक्टर चालक ट्याक्टरसहित फरार रहेकोले खोजीकार्य भइरहेको हरिवन प्रहरीले जनाएको छ ।
