रौतहट , १९ असार //
रौतहटको नुनथर स्थित बागमती नदीमा पौडी खेल्ने क्रममा दुई भारतीय नागरिक बेपत्ता भएका छन्। एक जना भने निस्किन सफल भएका छन्।
नुनथरमा घुमफिर गरेर खाजा खाई सम्भवतः मदिरा सेवन गरेर बागमती नदीमा नुहाउन गएका भारत बिहारको सीतामढी कोट बजारका मयंक अग्रवाल र गोलु कुमार शनिवार दिउँसो बेपत्ता भएका हुन्।
सँगै नुहाइरहेका अर्का भारतीय नागरिक सुमन साह भने बागमती नदीको भेलबाट बाहिर निस्कन सफल भएका छन्।
घटनाको विषयमा थप अनुसन्धान भइरहेको तथा बेपत्ता दुई जनाको खोजी भइरहेको इलाका प्रहरी कार्यालय चन्द्रपुरका प्रमुख डिएसपि सन्तुप्रसाद जैस्वालले जानकारी दिएका छन्।
