रौतहट ,३२ असार //
रौतहटको चन्द्रपुर नगरपालिका वडा नं १ मा रहेको नुनथरस्थित बागमती नदीमा डुबेर बेपत्ता भएका एकजनाको शव फेला परेको छ ।
शुक्रबार धनुषा जिल्लाको क्षिरेश्वर नगरपालिका–५ बाट आफ्ना परिवारसँग पिकनिक खान नुनथर आएका २० वर्षीय पारश यादवको शव फेला परेको हो।
उनको शव बागमती सिंचाई आयोजनाको व्यारेजमा अडकेको अवस्थामा फेला परेको सशस्त्र प्रहरी वेश क्याम्प सन्तपुरका प्रमुख प्रहरी नायव उपरीक्षक योगराज दाहालले जानकारी दिए ।
उनका अनुसार बुबा आमासहित पिकनिक खान आएका यादवसहित अन्य दुई जना पौडी खेल्न साँझ साँढे पाँच बजेतिर बागमती नदीमा छिरेका थिए ।
तीनजना मध्ये महाराजा जैसवार र अमर यादवन पौडिएर बाहिर निस्कन सफल भएका थिए भने यादव भने नदीमा डुबेर वेपत्ता भएका थिए ।
घटना सम्बन्धमा थप अनुसन्धान भइरहेको प्रहरीले जनाएको छ।
