बारा , २३ असार //
बाराबाट कटुवा पेस्तोलसहित दुई जनालाई प्रहरीले पक्राउ गरेको छ।
पक्राउ पर्नेमा जिल्लाको सिम्रौनगढी नगरपालिका वडा नम्बर १ का २५ वर्षीय गुड्डु मुखिया र २९ वर्षीय अनिल मुखिया रहेका छन् ।
सिम्रौनगढ १ स्थित नम्सगराढाठ पोखरीको डिलमा अनिल, गुड्डुलगायतका केही व्यक्तिले हतियार देखाई धम्की दिइरहेको भन्ने गोप्य सूचनाका आधारमा इलाका प्रहरी कार्यालय सिम्रौनगढ बाराका प्रहरी निरीक्षक देवराज काफ्लेको नेतृत्वमा खटिएको १० जनाको टोलीले बुधबार बेलुकी ७ बजेतिर दुवै जनालाई नियन्त्रणमा लिएको हो ।
पक्राउ परेका उनी दुवै जनामाथि यसबारे अनुसन्धान भइरहेको जिल्ला प्रहरी कार्यालय बाराले जनाएको छ ।
