सिरहा ,७ साउन //
इनारमा डुबेको अवस्थामा सिरहामा एक पुरुषको शव फेला परेको छ ।जिल्लाको गोलबजार नगरपालिका-९ डण्डाका ४५ वर्षीय रामजतन पासवानको शव फेला परेको प्रहरीले जनाएको छ।
शुक्रबार बेलुकादेखि हराइरहेका उनको चप्पल र गञ्जी इनार नजिकैफेला परेकाले उनकै शव भएको प्रहरीले जनाएको छ ।
प्रहरीका अनुसार मृतक पासवानको गञ्जी र चप्पल भेटिएको आधारमा शनिबार बिहान इनारको पानी फालेपछि शव देखिएपनि कसको हो भन्ने अझै खुलिनसकेको छैन।
प्रहरी र सेनाले शव निकाल्ने प्रयास गरेपनि नसकेपछि इटहरीबाट गोताखोर टोली ल्याएर निकाल्ने प्रयास भइरहेको छ ।इनारमा अक्सिजनको मात्रा कम भएकाले शव निकाल्न कठिनाइ भएको स्थानीय बताउँछन् ।
घटनाबारे थप अनुसन्धान भइरहेको सिरहा प्रहरीले जनाएको छ ।
