पर्सा , २ साउन //
पर्सा प्रहरीले २ सय ५० किलो प्रतिबन्धीत लागूऔषध गाँजासहित ३ भारतीय नागरिकलाई पक्राउ गरेको छ ।
पक्राउ पर्नेहरुमा भारत बिहार जिल्ला मोतिहारी थाना सुगौली वडा नम्बर १९ का साहेब आलम, गुलाब मियाँ र एक जना नाबालक रहेका छन् ।
वीरगञ्ज वडा नम्बर २५ सिर्सियाको बाटो हुँदै भारत तर्फ लैजाने क्रममा प्रतिबन्धित लागू औषध गाँजा तस्करी भईरहेको सूचनाको आधारमा भारतीय नम्बरको एनएल ०२ जि ३७९१ नम्बरको ट्रक जांच गर्दा २ सय ५० किलो गाँजासहित ३ जनालाई पक्राउ गरेको प्रहरीले जनाएको छ।
ट्रकको चालक बस्ने क्यावीनमा लुकाईछिपाई राखेको अवस्थामा १० केजीको २५ पोकामा रहेको २ सय ५० केजी गाँजा बरामद गरेको हो । गाँजा सहित पक्राउ परेको तीनैजनालाई आवश्यक कारवाहीको लागि जिल्ला प्रहरी कार्यालयको जिम्मा लगाएको जनाइएको छ।
उनीहरुलाई लागू औषध सकूर मुद्दामा म्याद थप गराई आवश्यक अनुसन्धान भईरहेको प्रहरीले जनाएको छ।
