पर्सा , २९ जेठ //
पर्साको पटेर्वासुगौली गाउँपालिकामा आगलागी हुँदा लाखौँको क्षति भएको छ।
जिल्लाको पटेर्वासुगौली गाउँपालिका वडा नमबर ३ का बृजलाल दास थारुको घरगोठमा आगलागी हुँदा ६ लाख रुपैयाँ बराबरको क्षति भएको प्रहरीले जनाएको छ ।
प्रहरीका अनुसार लामखुट्टे धपाउन बालिएको घुरबाट आगो सल्किएर घरगोठमा आगलागी भएको हो।
शनिबार राती १२ बजे तिर लागेको आगो स्थानीय बासिन्दा र प्रहरीको सहयोगमा आइतबार बिहान २ बजे तिर निभाइएको प्रहरी चौकी रंगपुरटाडीका प्रहरी सहायक निरीक्षक सर्फलाल यादवले जानकारी दिए ।
आगलागीमा परि २ वटा भैंसी पनि जलेर गम्भीर घाइते भएको यादवले बताए ।
