सप्तरीमा ट्रकको ठक्करबाट साईकलयात्रीको मृत्यु

सप्तरी , २७ जेठ //
सप्तरीमा ट्रकको ठक्करबाट साईकलयात्रीको मृत्यु भएको छ ।

मृत्यु हुनेमा जिल्लाको कञ्चनरुप नगरपालिका–३ बरमझियाका ३० वर्षीय चन्देश्वर दास रहेका छन् ।

बुधबार साँझ कञ्चनरुप नगरपालिका–१० बदगामामा ना २ ख ९२१० नम्बरको ट्रकले ठक्कर दिंदा गम्भीर घाइते भएका उनको उपचारका क्रममा राजबिराज स्थित गजेन्द्र नारायण सिंह अस्पतालमा मृत्यु भएको प्रहरीले जनाएको छ ।

ट्रक सहित चालकलाई नियन्त्रणमा लिई थप अनुसन्धान भइरहेको ईलाका प्रहरी कार्यालय कञ्चनपुर सप्तरीले जनाएको छ।