रौतहटमा कटुवा पेस्तोल बरामद,दुई जना पक्राउ

रौतहट २७,जेष्ठ । रौतहटमा बाटोमा फालिएको अवस्थामा कटुवा पेस्तोल फेला परेको छ । स्थानीयले झगडा भएको ठाउमा पेस्तोल फेला परेको बताएपछि प्रहरीले सो नलकटुवा पेस्तोल बरामद गरेको हो। प्रहरीले शंकाको आधारमा जिल्लाको ईशनाथ नगरपालिका ४ का ३० बर्षिय रामबाबु सिंह भारतको बिहार राज्यको पर्साग्राम घर भएका ४० बर्षका कृष्ण साह लाई नियन्त्रणमा लिएको जिल्ला प्रहरी कार्यालय रौतहटका प्रहरी निरीक्षक विन्देश्वर यादवले जानकारी दिएका छन । यस सम्बन्धमा प्रहरीले आवश्यक अनुसन्धान गरिरहेको छ ।