महोत्तरी,२७ जेठ //
महोत्तरीमा मोटरसाइकल दुर्घटना हुँदा सर्लाहीका एक जनाको मृत्यु भएको छ ,भने एक जना गम्भीर घाइते भएका छन् । मृत्यु हुनेमा सर्लाहीको ईश्वरपुर नगरपालिका वडा नम्बर ३ का २६ वर्षीय सूर्यकुमार मिस्त्री रहेका छन्।
गएराति बिपी राजमार्गअन्तर्गत महोत्तरीको बर्दिबास नगरपालिका ३ मा सिन्धुलीबाट सर्लाही आउँदै गरेको ना५४ प ८९५४ नम्बरको मोटरसाइकल अचानक अनियन्त्रित भई दुर्घटना भएको प्रहरीले जनाएको छ ।
दुर्घटनामा परेर गम्भीर घाइते भएका उनलाई उपचारका लागि बर्दिबासस्थित जनसेवा अस्पतालमा ल्याएपनि उपचारकै क्रममा मृत्यु भएको प्रहरीले जनाएको छ ।
यस्तै, सोही मोटरसाइकलमा सवार भएका सोही स्थानका २५ वर्षीय निरज मिस्त्री गम्भीर घाइते भएका छन् । घाइते निरजको उपचार सोही अस्पतालमा भइरहेको तथा घटनाबारे आवश्यक अनुसन्धान भइरहेको प्रहरीले जनाएको छ ।
