बारा , ३० जेठ //
बारामा मोटरसाइकल दुर्घटना हुँदा दुईजनाको मृत्यु भएको छ ।
मृत्यु हुनेमा मोटरसाइकल चालक बाराको सूवर्ण गाउँपालिका वडा नम्बर ७ सनफुल्वा टोल निवासी ३५ वर्षीय बिरू लाल यादव र पछाडि बस्ने भारतको मोतिहारी जिल्ला पूर्वी चम्पारण वडा नम्बर २ स्थित समरपुर निवासी ३० वर्षीय चन्द्र राय यादव रहेका छन् ।
जिल्लाको महागढीमाई नगरपालिका वडा नम्बर ८ स्थित थलही पुलबाट प्रदेश २-०३-००४ प. ७९३४ नम्बरको मोटरसाइकल खस्दा उनीहरु घाइते भएका थिए ।
घाइते भएका उनीहरुलाई तत्काल उपचारको लागि कलैया अस्पताल पठाईए पनि उपचारका क्रममा उनीहरुको गएराति नै मृत्यु भएको बारा प्रहरीका प्रवक्ता एवम प्रहरी नायव उपरीक्षक राजेश थापाले जानकारी दिए ।
