सर्लाही, १ असार//
सर्लाहीमा ट्याक्टर दुर्घटना हुँदा चालकको मृत्यु भएको छ । मृत्यु हुनेमा जिल्लाको चन्द्रनगर गाउँपालिका–५, मोहनपुरका ३२ वर्षीय रवीन्द्र साह सोनार रहेका छन्।
जिल्लाको सदरमुकाम मलंगवा नगरपालिका–६, मा ज १ त ३८२४ नम्वरको ट्याक्टर अनियन्त्रित भइ पल्टिँदा सोही ट्याक्टरले च्यापिएर सोनारको घटनास्थलमै मृत्यु भएको प्रहरीले जनाएको छ।
लखन्देही खोलामा तटबन्धका लागि ढुंगा झारेर फर्किदै गरेको ट्याक्टर दुर्घटनामा परेको प्रत्यक्षदर्शीले बताएका छन् । मृतकको शव पोष्टमार्टमका लागि प्रादेशिक अस्पताल मलंगवामा राखिएको छ ।
