पर्सा , १ असार //
पर्सा जिल्ला अदालतले चार वर्षीय नाबालिकालाई बलात्कार गर्ने एक पुरुषलाई जन्मकैदको फैसला सुनाएको छ ।
अदालतले मंगलबार नाबालिकालाई जबरजस्ती करणी गरेका पर्साको सखुवाप्रसौनी गाउँपालिका वडा नम्बर २ का देवशंकर चौधरीलाई जन्मकैदको फैसला गरेको हो ।
अदालतका न्यायाधीश राजेशकुमार कटुवालको इजलासले देवशंकरविरुद्ध जन्मकैदको फैसला गरेको जिल्ला अदालतले जनाएको छ ।
फैसलामा पिडितको पारिवारको आर्थिक अवस्था समेतलाई विचार गरी प्रतिवादीबाट पीडितले दफा २२८ बमोजिम क्षतिपूर्तिबापत १ लाख रुपैयाँ क्षतिपूर्ति भरी पाउनेसमेत ठहर गरेको उल्लेख छ ।
