पर्सा , ३० जेठ //
पर्साबाट भन्सार छलेर ल्याएको कछुवासहित एक जनालाई प्रहरीले पक्राउ गरेको छ। पक्राउ पर्नेमा बाराको कलैया उपमहानगरपालिका वडा नम्बर ७ का ४५ वर्षीय आनन्दलाल टेमानी रहेका छन्।
भारतको रक्सौलबाट वीरगञ्जतर्फ आउँदै गरेको अवस्थामा बीआर ०५ एएफ ०५८३ नम्बरको मोटरसाइकलमा सवार टेमानीलाई रोकी चेकजाँच गर्ने क्रममा कछुवासहित इनर्वाबाट उनलाई हिरासतमा लिएको पर्साका प्रहरी प्रवक्ता ओमप्रकाश खनालले जानकारी दिए ।
अस्थायी प्रहरी पोस्ट इनर्वाबाट खटिएको टोलीले चेकजाँच गर्ने क्रममा मोटरसाइकलको डिक्कीभित्र हरियो रंगको झोलामा लुकाइछिपाई राखेको अवस्थामा कछुवा बरामद भएको उनले बताए।
कछुवासहित पक्राउ परेका उनमाथि थप आवश्यक कारवाहीका लागि डिभिजन वन कार्यालय वीरगञ्ज पठाइएको जिल्ला प्रहरी कार्यालय पर्साले जनाएको छ ।
