रौतहट , १८ बैशाख //
बैशाख ३० गते हुने स्थानीय निर्वाचनको प्रचार प्रसारका लागि नेपाल कम्युनिष्ट पार्टी (एकिकृत समाजवादी)का अध्यक्ष माधवकुमार नेपाल आफ्नो रौतहट पुगेका छन्।
अध्यक्ष नेपाल आज (आइतवार) रौतहटको चन्द्रपुर नगरपालिका ८ वसन्तपुर क्षेत्रमा पुगेर घरदैलो कार्यक्रममा सहभागी भएका हुन् ।
स्थानीय निर्वाचनमा नेकपा (एकीकृत समाजवादी) बाट चन्द्रपुर नगरपालिकाको मेयर पदका लागि बाबुराम दहालले उम्मेदवारी दिएका छन् ।
अध्यक्ष नेपालले गुणस्तरीय शिक्षा र विकास ल्याउन सबैले यस पटक कलम चिन्हमा मत दिन स्थानीयसँग आग्रह गरेका छ।
