रौतहट २३ बैसाख / नेपाली कांग्रेसका महामन्त्री गगन कुमार थापाले स्थानिय सरकार बलियो बनाउन काग्रेस लाई भोट दिन आग्रह गरेका छन ।
शुक्रवार नेता थापाले रौतहटको चन्द्रपुर ८ स्थित सन्तपुरमा चुनावि सभामा बोल्दै मतदातासँग नेता डराउनु पर्ने समेत बताएका छन् ।
चुनावी सभामा महामन्त्री थापाले वैशाख ३० गतेको निवार्चनका लागि उम्मेद्वार मन परे पनि, मन नपरे पनि कसैको मुख नहेरी रुख हेरेर मत दिनु पर्ने बताएका छन ।
जितेर पाँच वर्षसम्म के के काम गर्यौ भनेर मतदाताले हिसाब किताब माग्ने हुदा मतदाता संग नेता डराउनु पर्ने उनको तर्क छ
‘कांग्रेसले जीतेर जिम्मेवारी पूरा गर्यो भने फेरि मत माग्न आउँला गर्न सकेनौं भने अर्को चुनावमा मत माग्न आउँदैनौं । नेता थापाको भनाई छ ।
सो सभामा संघिय सासद देव प्रसाद तिमल्सेना , प्रदेश सभापती कृष्ण यादव , जिल्ला सभापति जितेन्द्र यादव, प्रदेश सासद धनलाल ठोकर लगाएतका काग्रेसका नेताले धारणा राखेका छन ।
