रौतहट , ६ जेठ //
रौतहटको राजपुर नगरपालिकाको मेयरमा कांग्रेसका मोहम्मद राजिक आलम विजयी भएका छन् । उनी जसपाका मोहम्मद जैद आलमलाई २ हजार ५ सय ७४ मतान्तरले पराजित गर्दै विजयी भएका हुन् ।
आलमले ६ हजार ३ सय ३५ मत प्राप्त गरेका छन् भने जैदले ३ हजार ७ सय ५१ मत पाएका छन् । राजपुरसँगै कांग्रेसले अहिलेसम्म रौतहटमा दुई पालिका जितेको छ ।
यस्तै उपप्रमुखमा कांग्रेसकै जमिला असगरी ६ हजार २ सय ६८ मत ल्याई विजयी भएको निर्वाचन अधिकृतको कार्यालय राजपुरले जनाएको छ । असगरीले जसपाका चिन्ताकुमार कलवारलाई २ हजार ६ सय ३९ मतान्तरले पराजित गरिन् । कलवारले ३ हजार ६ सय २९ मत पाए ।
