चन्द्रपुर २१ बैसाख / चुनाव नजिकिदै जादा चन्द्रपुर नगर क्षेत्रका टोलका चोक–चोकमा चुनावी चर्चा हुन थालेको छ ।
रौतहटको चन्द्रपुर नगरपालिकामा नेकपा एमालेले नगरप्रमुख को उम्मेदवारको रूपमा चन्द्रपुर नगरमा एमालेका नगर अध्यक्ष शिब प्रसाद आचार्यलाई अगाडि ल्याएको छ ।
पार्टीको हितमा सदैव कटिबद्ध रहने उनि कार्यकर्ता माझ लोकप्रिय छन ।
२०४६ सालको जनआन्दोलनबाट प्रभावित भई १६ वर्षकै उमेरमा राजनीति शुरु गरेका उनि २०४८ सालमा अनेरास्ववियु काभ्रेको जिल्ला कमिटि सदस्य भएका थिए । एमाले चन्द्रपुर नगर अध्यक्ष आचार्य २०५४ सालमा काभ्रेबाट रौतहट आई युवा संघमा आवद्घ रहे । विद्यार्थी राजनीतिबाट पार्टीको राजनीतिमा शुभारम्भ गरेका उनले २०५४ मा पार्टी सदस्यता प्राप्त गरेपछि वडा कमिटी सचिव, गाँउ कमिटि सचिव हुदै क्षेत्रिय कमिटिको सचिबको जिम्मेवारी पुरा गरिसकेका छन । नेकपा एमालेको पूणर्कालिन कार्यकर्ताको रुपमा निरन्तर सक्रिय आचार्य २०६२÷०६३ को आन्दोलनमा प्रहरी हिरासतमा पनि परेका थिए ।
२०७१ सालमा पार्टीको चन्द्रपुर नगर अधिवेशनबाट अध्यक्ष निर्वाचित भएका आचार्यले नगर अध्यक्ष रहदा संगठन बलियो बनाएको र अन्तरघात नभएको भए २०७४ को चुनावमा एमालेले चन्द्रपुरमा नगरमा सहजै जित्ने वातावरण रहेको उनका सर्मथक कार्यकर्ताको भनाई रहेको छ ।
पार्टी प्रतिको लगातार लगनशिलताका कारण २०७८ कार्तिकमा भएको नगर अधिवेशनबाट पुन आचार्य नगरअध्यक्षमा निर्वाचित भएका हुन् ।
कर्ममा विश्वास गर्ने शालीन र सादगी नेता आचार्य आफुले पाएको जिम्मेवारीलाई इमानदारी पूर्वक पूरा गरेर नतिजा निकाल्न रुचाउंछन ।
२०६४ र २०७० को संविधानसभा निर्वाचनमा रौतहट क्षेत्र नं. ४ मा नेकपा एमालेलाई जिताउन महत्वपूर्ण भुमिका खेलेका उनि राजनितिमा दुख गरेका तर अवसर नपाएका नेतामा पर्छन ।
विद्यार्थी नेताबाट राजनीतिमा पहिचान बनाएका उनि प्रस्ट वक्ताका रूपमा चिनिन्छन ।
पछिल्ला दिनहरुमा पार्टीमा प्रर्याप्त विचलन, आफन्तवाद र नातावाद हावि भएकाले पुराना, इमान्दार नेता कार्यकर्ता पाखा लागिरहेको अध्यक्ष आचार्यको बुझाई रहेको छ ।
एमाले भित्रका एक कुशल संगठक आचार्य यसपालि चन्द्रपुरमा मेयरको उमेद्वारहरु मध्य सक्षम ,इमानदार,जनप्रेमी उमेद्वारको रुपमा चर्चामा छन ।
मेयर पदका उम्मेद्वार आचार्यलाई कसरी चिन्छन चन्द्रपुरबासी
