फणि महत/
रौतहट, ६ जेठ //
गएको बैसाख ३० गते मतदानको दिन यमुनामाई गाउपालिका वडा नं. २ स्थित श्री मा.वि. भेडियाही स्कुलमा रहेको मतदान केन्द्रमा मतदान स्थगित भएको अवस्थामा मतपेटीका लिएर भाग्ने एक व्यक्ति लाई प्रहरीले पक्राउ गरि सार्वजनिक गरेको छ ।
मानिसको हुल लिई मतदान केन्द्र भित्र जवरजस्ती प्रवेश गरी सुरक्षाकर्मीको पहुँचमा रहेको मतपेटीका लुटी लगेकोमा सुरक्षाकर्मीको टोलीले उक्त मतपेटीका त्यसै दिन नियन्त्रणमा लिएको थियो ।
सो क्रममा प्रहरीले केही राउण्ड गोली फायर गर्दा मतपेटीका छाडेर फरार भएका मुख्य अभियुक्त रौतहटको यमुनामाई गा.पा. वडा नं. २ बस्ने बर्ष ४६ को चन्देश्वर बैठालाई खोज तलासको क्रममा प्रहरीले पक्राउ गरेको जनाएको छ ।
बिहिवार राति बैठा लाई पक्राउ गरि प्रहरीले शुक्रवार दिउँसो सार्वजनिक गरेको हो ।
पक्राउ परेका बैठालाई निर्वाचन (कसुर तथा सजाय) ऐन, २०७३ बमोजिम कानूनी कारवाहीको लागि रौतहट जिल्ला अदालतबाट म्याद थप गरी अनुसन्धान भईरहेको रौतहटका एसपी बिनोद घिमिरेले जनाएका छन ।
मतपेटीका बोकेर भाग्ने एकजना पक्राउ
