रौतहट , २७ बैशाख //
एमालेका स्थायी कमिटी सदस्य एवम पुर्व शहरी विकास मन्त्री प्रभु साहले चुनावको बेलामा मधुरो भाषण गर्नेलाई नभएर बौद्धीमाई नगरपालिकाको जनताको सेवा गर्ने ईमान्दार, कर्मठ उम्मेदवारलाई रोज्न आग्रह गरेका छन्।
एमाले रौतहटद्वारा बौद्धीमार्य नगरपालिका वडा नं. ९ सरमुजवामा आयोजित चुनावी सभालाई सम्बोधन गर्दै पुर्व मन्त्री साहले सरमुजवाको विकासको लागी अहोरात्र खटीरहने एमालेका जिल्ला अध्यक्ष समेत रहेका त्रिभुवन साह लाई रोजेर बौद्धीमाई नगरको विकासमा टेवा पुर्याउन आम मतदातालाई सुझाव दिएका छन् ।
पुर्व मन्त्री साहले मतदाताले त्रिभुवनलाई विश्वास गरे बौद्धीमाई नगरको हरेक क्षेत्रमा विकासको आन्धीबेरी आउने दाबी गरेका छन ।
उनले पाच वर्षको लागी चुनिने मेयरमा नगरवासीलाई सहयोग गर्ने व्यक्तीलाई चुनिनु बताउंदै उनले मेयरको लागी कर्मठ, कर्तव्यनिष्ठ र जनतामा समर्पित नेता त्रिभुवनलाई जिताउन आम मतदातासंग आग्रह गरेका छन् ।
मेयरमा नजिते पनि बौद्धीमाई नगरका जनताको लागी आवतजावत गर्न नयाँ सडक निर्माण लगायतका काम गरेर देखाउने त्रिभुवनको हातलाई बलियो बनाउन एमालेमै मतदान गर्न उनले सबै नगरवासी, आम मतदाता लगायतसंग आग्रह गरेका हुन् ।
सरमुजवावासीले नगरमा देखेको अस्पताल निर्माण, स्मार्ट सिटी, सडक निर्माण, शिक्षाको विकास लगायतको सपनालाई साकार बनाउन यस नगर क्षेत्रमा योगदान पुर्याउदै आएका मेयरका उम्मेदवार त्रिभुवन लाई जिताउन सरमुजवावासीलाई उनले आग्रह गरेका छन ।
हुलाकी राजमार्गसंग जोडिएको सरमुजवाको भविष्य उज्वल छ “उनले भने ” यहा सुविधा सम्पन्न एक सय शैयाको अस्पताल बनाउने योजना छ। त्यसलाई सफल पार्न सुर्य छापमा मोहर लगाई एमालेलाई बहुमत प्रदान गर्न पुर्व मन्त्री साहले जोड दिएका छन् ।
