महोत्तरी , १९ बैशाख //
पोखरीमा डुबेर महोत्तरीमा एक बालकको मृत्यु भएको छ ।
मृत्यु हुनेमा सोनमा गाँउपालिका ३ रघुनाथपुर बस्ने जोगिन्द्र यादवको छोरा ६ वर्षीय सुजित कुमार यादव रहेका छन् ।
घरभन्दा पाँचसय मिटर पश्चिममा रहेको पोखरीको डुबिरहेको अवस्थामा स्थानीयले बालकको उद्धार गरेका थिए ।
घाइते बालकलाई अस्पताल लैजाने क्रममा बाटो मै मृत्यु भएको प्रहरीले जनाएको छ ।
बालकको शव पोस्टमार्टमको लागि प्रादेशिक अस्पताल जलेश्वरमा पठाइएको र घटना विषयमा थप अनुसन्घान गरिरहेको ईलाका प्रहरी कार्यालय गौशालाका प्रहरी निरिक्षक रंजन मिश्रले जनकारी दिए ।
