मुकेश कुमार साह /
रौतहट ,५ जेठ //
रौतहटको गुजरा नगरपालिका ३ को वडा अध्यक्ष पदमा उम्मेद्वारी दिएका नेकपा एसका उम्मेदवारले जम्मा १ मत पाएका छन् ।
वडा न ३ मा नेकपा एकीकृतको तर्फ बाट उम्मेदवारी दिएका दिपक चौधरीले जम्मा १ भोट मात्र प्राप्त गरेका हुन् । अचम्मको कुरा के छ भने , सोहि वडामा नेकपा एसका मेयरतर्फका उम्मेदवार केशव राय चौधरीले २ सय ६९ मत पाएका छन् भने उपमेयरका उम्मेदवार एत्वरिया देवीले जम्मा २४ मत हासिल गरेकि छन् ।
सो वडामा नेकपा एमालेका उम्मेदवार गजेन्द्र चौधरी विजयी भएका छन । चौधरी यस अघि २०७४ सालको चुनावमा पनि वडा अध्यक्षमा निर्वाचित भएका थिए। उनले ५ सय ३० मत ल्याएर विजयी भएका हुन्।
उनका प्रतिस्पर्दी स्वतन्त्र उम्मेदवार इश्वर प्रधानले ५ सय २२ मत प्राप्त गरेका छन् ।
